پرزيدنت بوش بياناتينين اولينده سوز آزادليغی نين آمريکا آناياساسينين تمل پرنسپلی اولدوغونو قيد ائديب.
"قدار رژيم لر و آزادليغی بوغماغا چاليشانلار بونو ئوزل قازئت لر، راديو تلويزيون لاری باغلاماقلا ائديرلر.اونلار ژورناليست لری اوغورلايير، محکمه قراری اولمادان حبس ائدير و دويورلر. بعضی ژورناليست لر عائيله لريندن آيری سالينيب، بعضی لری ايسه ئولدورولوبلر." دئيه پرزيدنت بوش بيلديرير.
داها سونرا پرزيدنت ژورناليست لرين تعقيبينه معروض قالمادان ئوز پئشه لری ايله مشغول اولماق حقوقونا ماليک اولدقلارينی دئيير:" بلاروس، برمه، کوبا، ايران، اريتره، ليبی، شيمالی کوره، سوريه، ونزوئلا و زيمبابوه کيمی ئولکه لر ارتجاعچی قانونلا سوز آزادليغی نين کسکين شکيلده محدودلاشديرير و ژورناليست لری تئز- تئز حبس ائديرلر." 2007-2008-جی ايل لرده آرديجيل اولاراق چين ان چوخ ژورناليست حبس ائدن ئولکه اولوب. اونون آردينجا کوبا، ايران، اريتر و آذربايجان گلير. آمريکا پرزيدنتی ژورناليست لرين فيزيکی و معنوی تعقيب لریينی پيسله يه رک بوتون حکومت لری ب م ت بين الخالق انسان حاقلاری بياننامه سينين 19-جو مادده سينه رعايت ائتمه يه چاغيريب.
" آمريکا آزادليق اوغروندا مبارزه آپارانلارلا، او جومله دن ريسک لره باخماياراق ژورناليست فعاليتی گوسترن لرله چيين- چيينه دايانير،" دئيه پرزيدنت آرتيريب. بو آرادا دونيانين 20 مختلف ئولکه سينده آپاريلان رای سورغولاری گوسترير کی، انسان لارين بويوک اکثريتی آزاد مئديا و اينترنته آزاد چيخيش ايسته يير. اکثريت بيلديريب کی، مئديا حکومت نظارتی اولمادان خبر و ايده آ لار ياراتماق حقوقونا ماليک اولمالیدير. عينی زاماندا چين، روسيه و بعضی مسلمان دولت لرينده انسان لار مئديانين غرضيندن شکايت لنميش و بعضی حاللاردا حکومت نظارتينه احتياج اولدوغونو دئميشلر. بروکينز انستيتوسونون علمی ايشچی سی چئنگ لی تبت-ده مناقشه نين مئديادا تصويرينين چينده درين غضب دوغوردوغونو گوستريب. اونون فيکرينجه اجتماعيت ئوزل ليکله گنج نسل آراسيندا غرب ساياغی مئديا آزادليغی سوال آلتينا آلينير.
اهالی سينين اکثريتی مسلمانلاردان عبارت 6 ئولکه و روسيه ده چوخ سايلی وطنداشلار دئييبلر کی، حکومت سياسی باخيمدان حساس معلوماتلاری محدودلاشديرا بيلر. العربيه کانالی نين موخبيرينه استناد ائده رک ژورناليست لرين دولت لردن داها چوخ جمعيتدن چکينديينی و بو سببدن ده ئوزلرينی سانسور ائتديکلرينی بيلديرير. رایسورغولارينی آمريکادا فعاليت گوسترن" دونيا عمومی رايی" تشکيلاتی کئچيريب
.